Bonvena mesaĝo:

2022     2021      2020     2019      2018     2017     2016     2015     2014     2013     2012     2011     2010

Baldaŭ...

En 2023...

- Teamo el la membraro de la Perigorda Esperantista Grupo, fortigita de eksteraj helpantoj, komencis la adapton kaj tradukadon de "Jacquou le Croquant", fama romano de Eugène Le Roy.

Interasocia NACIA KONGRESO de Trélissac de la 26a ĝis la 29a de majo 2022 apartaj paĝoj

- Nia loka komitato preparas por 2022 la interasocian kongreson de Espéranto-France en Trélissac, kiu okazos de la 26a ĝis la 29a de majo (semajnfino de la Ĉieliro).
Kompreneble se la tiama sana situacio bonvolos...
Por informiĝi kaj vidi ĉiujn detalojn: Paĝaro de la kongreso

- Dume ni esperas akcepti novajn gelernantojn danke al la modernaj komunikiloj.
Niaj kursoj estas senpagaj. Ne hezitu kontakti nin!

- La 26an de marto: Omaĝo al Lucien Péraire en Lavardac, lia naskiĝurbo.
La nuna municipo de Lavardac (Lot-et-Garonne) invitis nian grupon partopreni ceremonion por celebri Lucien Péraire baldaŭ cent jarojn post lia eksterordinara vojaĝo. Li forveturis de Lavardac en julio 1928, kun Esperanto kaj sia nekredebla energio kiel ĉefaj atutoj, por travivi biciklante kvar neforgeseblajn jarojn tra Eŭropo kaj Azio. Li priskribis la tiaman situacion de la trairataj landoj kaj multe da renkontiĝoj en sia libro "Tra la mondo per Biciklo kaj Esperanto".

Kvin GEP-anoj, tri biciklistoj el BEMI, kaj unu samideano el Parizo kuniĝis kun la membroj de la familio de Lucien Péraire, kaj elektitaj eminentuloj (Valérie Tonin, Ludovic Biasotto kaj Pierre Mader) por partopreni tiun belegan kaj kortuŝan ceremonion.

Fotoj de Martine kaj Max Demouy kaj prelego de Ludovic Biasotto, urbestro de Lavardac (pdf-dosiero, 6,6 MB)

- La interasocia kongreso de Espéranto-France, unue planita en Trélissac de la 13a ĝis la 16a de majo 2021 (semajnfino de la Ĉieliro), estas prokrastita pro la sana situacio ĝis la Ĉielira semajnfino 2022 (26a-29a de majo). Ni kore dankas pro ilia komprenemo Espéranto-France-n kaj la municipon de Trélissac.

- Jen bela artikolo de Didier Rivet (Sud Ouest) pri Maurice Juy:

Ĉi tiun 15an de decembro, Zamenhof-tago, ni festas ankaŭ la 10an datrevenon de ĉi tiu retejo! ĉi-okaze ni prezentas al vi kelkajn argumentojn por Esperanto Esperanto kaj amikeco: Kelkaj geamikoj el la tuta mondo sendas salutmesaĝon al la perigordanoj. 12-minuta filmeto kun francaj subtekstoj. Esperanto kaj gejunuloj: Esperanto praktikata de gejunuloj, kiuj lernis ĝin danke al Duolingo. Duolingo - La meilleure façon d'apprendre une langue 10-minuta filmeto kun subtekstoj en la franca, Esperanto kaj 5 aliaj lingvoj. Dua ekzemplo pri Esperanto kaj gejunuloj: https://tubaro.aperu.net/v/ytb_qBmsvdnO5bM/ kie multaj gejunuloj el la tuta mondo salutas vin okaze de la Zamenhof-tago 2020. Esperanto kaj paco: en 2016, post 54 jaroj da malpermeso, usonaj esperantistoj povis viziti samideanojn el Kubo. 34-minuta filmo kun subtekstoj en la angla, la hispana kaj Esperanto. Esperanto kaj paco: de 2008 regule okazas Mezorienta Kunveno, en kiu esperantistoj el Israelo, arabaj landoj kaj diversaj aliaj landoj renkontiĝas, debatas kaj interfratiĝas. 49-minuta filmo.

- La 25an de decembro, patro Julo alportis al ni artikolon de Sud Ouest verkitan de Fanny Eymeric, korespondantino en Bassillac:

Internaciaj bondeziroj por 2021

- En oktobro, kreado de nova retpaĝo 'Teko' en kiu kunlaboras perigordanoj kaj samideanoj el la tuta mondo.

- Ekde marto la eo-kursoj iĝis virtualaj kursoj kaj renkontiĝoj.

- En januaro okazis nia tradicia platkukfesto antaŭ malfacila jaro...

- En novembro, Céline Bernard, la ĉefredaktoro, prezentas al ni la revuon 'Espéranto-Info'. Vidu la artikolon en nia informilo n-ro 115. Abonu tiun belan revuon!

- 6a-8a de novembro. La belga (pli precize flandra) samideano Yves Nevelsteen vizitis nin. Li prelegis antaŭ niaj membroj kaj renkontis la partoprenantojn de la esperanto-ateliero en la liceo Bertran de Born.

- 12a-16a de aprilo. Espéranto-France kaj Esperanto-Association-ofBritain kune festis sian 100an kongreson en Dovro.

- En januaro 2019 la kroata samideano Alan Neven Kovacic vizitis nin. Li prelegis antaŭ la membroj de nia klubo kaj ankaŭ gelernantoj dela liceo Bertran de Born.

- En aŭgusto, Vizitado de du ĉinaj samideaninoj (aparta paĝo).
- Fine de julio, Universala Kongreso de Lisbono (aparta paĝo).

- En oktobro Alain kaj Brigitte Broquet vizitis Ĉinion kaj tie renkontiĝis kun Esperantistoj.

- La 21an de aprilo 2017: tre bela artikolo de la gazeto "Courrier français".

- Por aliri la apartajn paĝojn kreitajn okaze de la eksterlernejaj agadoj en Périgueux (Perigozo) kaj Bassillac:
2013-2014 : lernejo Maurice Albe (Périgueux), lernejo André Boissière (Périgueux)
2014-2015 : lernejo Lakanal (Périgueux), lernejo de Bassillac

2016 - Junaj Esperantistoj (jeunes espérantistes) : nia ludo-konkurso okaze de la lerneja rekomenco 2016. Iru al la paĝo "Activités périscolaires". - 14 ĝis 16 de oktobro 2016: nia grupo, same kiel la lastajn jarojn, proponis budon en la Salono pri bildstrio en Bassillac. - Septembre 2016 : reprise des cours d'espéranto. Consultez la page dédiée et vérifiez auprès de l'animateur la date précise de reprise. - 23 au 30 juillet 2016 : nous avons participé au Congrès Universel de Nitra (Slovaquie). - Juin 2016 : visite d'un espérantiste du Daghestan : Abduraĥman Junusov. - Avril 2016 : visite d'un espérantiste du Pendjab (province du Pakistan), spécialiste du Soufisme : Saeed Ahmad. - Janvier 2016 : nouvelles pages "Jeux" et "Activités périscolaires" créées sur ce site.

- 15an de decembro 2015:
Niaj rendevuoj per Skajpo de la 15a de decembro, la Zamenhofa Tago, estis multnombraj kaj fruktodonaj. Entute trideko da Perigordanoj sinsekvis, en la butiko Communic'action, el Périgueux (Perigozo), aŭ en la hejmo de Maurice kaj Monique Juy, en Calviac-en-Périgord, por komunikiĝi kun siaj geamikoj el la tuta mondo kaj dudeko da diversaj landoj.
Malfacile estas koni pli precize la nombron de partoprenintaj landoj ĉar ni ricevis la helpon de japana esperantisto, Faro, pseŭdonomo de Tsukuru Harada, kiu ĉiutage aranĝas Skajpan konferencon kaj nin rekte konektis kun siaj kutimaj korespondantoj.
Inter la gravaj momentoj de tiu tago, ni notu la priskribon de la retejo Esperanta RetRadio (http://esperantaretradio.blogspot.fr/) far ties kreinto, la aŭstro Anton Oberndorfer. Tiu lasta aperigas ĉiutage, inkluzive la feriajn tagojn, esperantlingvan tekston kompletigitan per sonregistron. Post li, la brazilano Paulo Sérgio Viana parolis pri siaj kontribuoj al ĉi tiu retejo.
Zsófia Kóródy, parolis pri Herzberg am Arz, la germana urbo, kiu sin deklaris kiel "Esperanto-urbo", kaj kie ŝi multege laboras por Esperanto. Apélété Agbolo, el Togolando, parolis pri Izo, la Zamenhof-instituto, el Lomé, kie 600 infanoj lernas, interalie, Esperanton; ĉi tiun instituton subtenas la asocio "Une école au Togo" (Lernejo en Togolando). Ni ekkonis italan esperanto-grupon proksiman al Parmo. Marie-France retrovis Auran, sian korespondantinon el Kolombio...
La hungara kantistino Anjo Amika kantis, malgraŭ kelkaj teknikaj problemoj, sian faman sukceson "Bela Revo", kaj ankaŭ la rusa aŭtoro-kantisto Mikaelo Bronŝtejn, kiu vizitis nin antaŭ jam 3 jaroj, kantis akompanante sin per gitaro.
Jen estis vere belega tago, danke al ĉiuj partoprenintoj, kiujn ni elkore dankegas.

Dordogne Libre kaj Echo Dordogne parolas pri niaj Skajpaj rendevuoj okaze de la Zamenhofa Tago.

- 16a de novembro 2015: en La Vie Quercynoise. Ĉu ne estas belaj, niaj geamikoj Maurice kaj Monique Juy, el la regiono de Sarlat?

- 25a de julio - 1a de aŭgusto 2015: dekduo da Perigordanoj partoprenis la Universalan Kongreson de Lillo inter proksimume 2700 samideanoj el 80 diversaj landoj. La gazetaro de la regiono Nord - Pas de Calais sufiĉe bone raportis pri la evento. Claude, la respondeculo de ĉi tiu retejo, persone dankegas al siaj geamikoj el Lillo Fabrice, Enza kaj Jean-Marie, kiuj aperigis dum la kongreso la tre belan ĉi-suban artikolon en sia gazeto "La Gazette des Seniors":

Lillo, sur la placo de la teatro, lundon la 27an de julio: la koncerto aranĝita de La Kompanoj.
Kia etoso!

- Aŭguston 2015: ankaŭ Echo Dordogne raportas pri nia partopreno al la Universala Kongreso de Lillo.

... kaj ankaŭ Sud Ouest :

- Junion 2015: la vizito de nia ĉina amiko Zhang Fude estis tre fruktodona: jen estas artikoloj de Dordogne Libre kaj Sud Ouest :

- La 15an de majo 2015, Sud Ouest aperigas artikolon pri nia staĝo preparanta al la venonta KER-ekzamensesio.

- Nia "aprila fiŝo" (tradicia ŝerco okaze de la 1a de aprilo) bone sukcesis ĉi-jare: du ĵurnaloj anoncis, ke Esperanto baldaŭ fariĝos opcia fako en la abiturienta ekzameno. La morgaŭon ili humure neis la novaĵon sed ne koleris kontraŭ ni. Dankon al ili!

- 24an de marto: Svetlana kaj Firdaùs Shukurov, tre simpatia paro el Taĝikio, vizitas nin en Perigozo, veturigitaj de nia amikino el Corrèze Lucia Unia.

- Eksterlernejaj agadoj faritaj dum la du lernejaj jaroj :
2013-2014 : lernejo Maurice Albe (Périgueux), lernejo André Boissière (Périgueux)
2014-2015 : lernejo Lakanal (Périgueux), lernejo de Bassillac

- La 15an de decembro ni festis la Zamenhofan Tagon per Skajpaj renkontiĝoj. Entute ni komunikiĝis kun samideanoj el 17 malsamaj landoj.

- Aŭguston 2014: du iranaj esperantistinoj, Giti (maldekstre) kaj ŝia amikino Tiam, vizitas nin en Dordonjo. Jen ili vizitas la belan urbeton Brantôme.

- 24an de majo 2014: la amiko Miguel Ángel González Alfonso, el Kubo, maldekstre apud nia prezidanto Ange Mateo, prezentas sian landon dum prelego.

- Printempon 2014: Martine kaj Max Demouy pasigis tri semajnojn en Japanio, danke al la invito de japanaj samideanoj. Legu ilian raporton en nia informilo n-ro 96.

- La 15an de februaro 2014, en Trélissac, Christian Grenier estis invitita de nia grupo. Li estas la aŭtoro de "Le Tyran, le Luthier et le Temps", kiu fariĝis "La Tirano, la Liutfaristo kaj la Tempo" danke al la traduko de nia prezidanto Ange Mateo. Vizitu la retejon de Christian Grenier ĉe http://www.noosfere.com/grenier

- Decembron 2013: nia asocio eldonis novelon de Christian Grenier, perigorda verkisto, belege ilustrita de François Schmidt : "La Tirano, la Liutfaristo kaj la Tempo". Esperantigis ĝin Ange Mateo, nia nuntempa prezidanto. Por aĉeti ĝin (10 €) kontaktu nin.

- De septembro ĝis decembro 2013, 23 gelernantoj el "CM2-klaso" de la lernejo Maurice Albe, el Perigozo, partoprenis ĉirkaŭlernejan atelieron "Malkovro de Esperanto" gvidata de Claude Labetaa.
Kontaktoj ekestis pere de la reto "Junaj Civitanoj sen Landlimoj" kun klasoj el Bulgario, Kroatio kaj Benino. Komunikado per Skajpo eĉ estis aranĝita kun la bulgara klaso.
Alia agado estis franclingva registro de la subtekstoj de filmo el la reto BookBox [Bukboks] (http://www.bookbox.com/, ideala por tiuj kiuj eklernas lingvojn). Ĝi rakontas ĉarman legendon: la kreado de la unua puto. La esperantlingva teskto de la rakontanto restas sonfone. Jen estas la filmo :
Ankaŭ filmo esperantlingve prezentanta la gelernantojn de Maurice Albe estis kreita sed, por bildrajtaj kialoj, estas disponebla nur privatkadre.
Por vidi la apartan paĝon: Malkovro de Esperanto en Maurice Albe

- La 27a de julio 2013: la ĵurnalo Sud Ouest raportis pri la UK de Rejkjavik.

- 11an de majo 2013: Andrej Grigorjev, ĵurnalisto por la fervojistoj de la regiono de Krasnojarsk, venis prelegi en Trélissac por la perigordaj esperantistoj pri la fervoja vivo en Siberio. Partopreninte la esperantistan kongreson en Artigues-près-Bordeaux, li tiel komencis en nia departemento sian unuan turneon en Francio. Post Trélissac, li estis invitita de la grupo de Sarlat.

- 6an, 7an kaj 8an de februaro 2013: denove Claude Labetaa gvidis per Skajpo 15-horan kurson por malkovrigi esperanton al ok gelernantoj el "collège Sainte-Croix" (Fribourg, Svislando). Ĉi-foje la gvidado okazis en halo de la "CDDP" (pedagogia centro en Perigozo). Pluraj eksterlandaj esperantistoj partoprenis kaj fine de la staĝo Mikaelo Bronŝtejn, reirinte hejmen en Rusio post sia turneo en Francio, afable konsentis kanti por la svisaj gelernantoj!

- 18an, 19an kaj 20an de januaro. La fama rusa verkisto Mikaelo Bronŝtejn vizitis nin.

- 26an de marto 2012: jen artikolo en la ĵurnalo Sud Ouest okaze de la eldono de nia nova informilo. Ĝi mencias la kurson per la reto por gimnazio de Fribourg, informon pri Lucien Péraire kaj la venonta UK en Hanojo...

- 8an, 9an kaj 10an de februaro 2012: Claude Labetaa gvidis 15-horan kurson por malkovrigi esperanton al ok gelernantoj el "collège Sainte-Croix" (Fribourg, Svislando). Li gvidis la kurson el sia hejmo en Perigordo uzante la programon Skajpo, kiu ebligas komuniki kaj kunlabori per la reto. Riĉigis la kurson komunikadoj franclingvaj kaj esperantlingvaj (tiukaze samtempe tradukataj al la franca) kun samideanoj el Perigordo, Belgio, Togolando kaj Ĉinio.
Ĉi-sube la gelernantoj kaj iliaj du instruistoj pozas sub la ekrano montranta la gvidanton. Gratulon al Damien, Charlotte, Fernand, Alba, Marie, Sarah, Adrienne kaj Martin pro ilia bonega laboro kaj dankon al iliaj instruistoj Dominique kaj Jean-Luc pro la tre valora helpo.

- 20an de januaro 2012: epifania platkuko en Trélissac. Ĉirkaŭ 40 personoj partoprenis posttagmeze.

2011 - komence de 2012: la urba informilo de Périgueux proponas tre belan artikolon pri esperanto kaj la agadoj de nia grupo. - 23an-26an de oktobro 2011 : vizito en Perigordo de Trevor Steele, aŭstralia aŭtoro en esperanto. - Septembron kaj oktobron: la esperanto-kursoj rekomenciĝis: vidu kie, kiam kaj kiel... - 6an de oktobro 2011: anonco de debato pri "Esperanto en okcitana regiono", gvidata de Charles Carrey, Jacme Surpas kaj Ginette Lafaye. - 6an de septembro kaj 15an de oktobro 2011 : duobla naskiĝdatreveno (2×99 jaroj) en la grupo de Le Fleix. - 23an-30an de julio 2011, en Kopenhago: 96a Universala Kongreso de Esperanto. - junion 2011: kurso por junaj gelernantoj en Allemans. - junion 2011: desegno fare de Stéphanie, kiu lernas esperanton en la lernejo Ferdinand Buisson (Sarlat, gvidanto Maurice Juy). - 22an-26an de aprilo 2011, en Sète: Interasocia Renkontiĝo 2011 pri Esperanto ĉe Mediteraneo. - 25an-26an de aprilo 2011: vizito en Perigordo de 4 japanaj esperantistinoj. - diversaj artikoloj en la gazetaro dum januaro 2011. - 14an de januaro : nia epifania platkuko en Trélissac.

- fine de 2011: la urba informilo de Périgueux proponas tre belan artikolon pri esperanto kaj la agadoj de nia grupo, la vizito de Trevor Steele kaj la peticio "l'Espéranto au Bac", kiun la urbestro Michel Moyrand subskribis.

- 23an-26an de oktobro: vizito en Perigordo de Trevor Steele, aŭstralia aŭtoro en esperanto
- 6an de septembro kaj 15an de oktobro 2011: duobla naskiĝdatreveno (2×99 jaroj) en la grupo de Le Fleix.
René Trény iĝis 99-jaraĝa la 6an de septembro kaj lia amiko André Raël Sainte Croix estos samaĝa la 15an de oktobro. Jen ĉi-sube René (maldekstre) kaj André dum amika esperanto-kunveno la 8an de septembro. Ambaŭ eklernis esperanton antaŭ longe kaj montras al ni belan vojon. Ĝis la venonta jaro por festi la du centjarulojn.

- 23an-30an de julio 2011, en Kopenhago: 96a Universala Kongreso de Esperanto
Alklaku la ĉi-suban foton por malkovri ilustritan raporton:

- "La Dordogne Libre" de la 14a de junio 2011: kurso por junaj gelernantoj en Allemans (gvidantoj: Jean-Claude kaj Pascale Martin).

- junion 2011: kuraĝiga desegno fare de Stéphanie, kiu lernas esperanton en la lernejo Ferdinand Buisson (Sarlat, gvidanto Maurice Juy). "Mi ŝatas Esperanton".

- 22an-26an de aprilo 2011, en Sète : Interasocia Renkontiĝo 2011 pri Esperanto ĉe Mediteraneo.

- 25an-26an de aprilo 2011: vizito en Perigordo de 4 japanaj esperantistinoj.
Alklaku la ĉi-suban foton por vidi la resumon de Martine Demouy:
- komence de 2011: kelkaj artikoloj en la gazetaro:

Ĉi-maldekstre, Echo Dordogne de la  29a de januaro 2011 anoncas la kreadon de nia retpaĝaro Ĉi-dekstre, En Sud Ouest de la 25a de januaro 2011 La "Piedirulo" de Sarlat anoncas venontajn tradukojn de "La sekreto de la arbaro de Lascaux"

"Sud Ouest" de la 28a de januaro 2011:

Essor Sarladais de januaro 2011:

- 14an de januaro 2011 :
Almenaŭ 35 personoj partoprenis posttagmeze en Trélissac la tradician epifanian platkukon de nia asocio :

2010 - 15an de decembro 2010: nia Zamenhofa Tago en Gironde. - de la 26a de novembro ĝis la 18a de decembro 2010: ekspozicio pri Esperanto en Ribérac kaj intervjuo de Jean-Claude Martin kaj Charles Carrey fare de Radio Liberté (96,1 MHz, Ribérac, Dordogne, Francujo). - 18an kaj 21an de oktobro 2010: "Dordogne Libre" dediĉas al ni du artikol(et)ojn.

-15an de decembro: nia Zamenhofa Tago en Gironde

Ni elektis tiun tagon por liveri trajne al niaj geamikoj de Gironde (apuda departemento) kelkajn ekzemplerojn de "La sekreto de la arbaro de Lascaux". Joël Lajus kaj lia edzino akceptis nin tre afable... Ĉi-apude, Maurice Juy legas la albumon en la trajno. Claude Labetaa

- Tri tre belaj artikoloj pri la ekspozicio en Ribérac

"La Dordogne Libre" de la 30a de novembro 2010:

- "Sud Ouest" de la 10a de decembro 2010:

- Intervjuo de Jean-Claude Martin kaj Charles Carrey fare de Radio Liberté (96,1 MHz, Ribérac, Dordogne, Francujo) pri Esperanto kaj la ekspozicio en Ribérac.
por aŭskulti...	por elŝuti, dekstre musklaku la ligilon...
Intervjuo (30 minutoj):	Intervjuo (13,3 Mb)

- 18an kaj 21an de oktobro 2010: dankon al "sinjoro Echo" (mallongaj informoj) el "Dordogne Libre".

Samtempaj nunaj vizitantoj:
Vizitintoj de la 5a de januaro 2016: