Grezijono - Grésillon

Ĉu vi deziras malkovri la ceteron de la esperantlingva paĝaro? La aktualaĵojn, informilojn, radio-elsendojn de la Perigorda Esperantista Grupo? Musklaku sur la ĉi-suba flago...	Aprilo 2012: printempa kursa semajno en Kastelo Grezijono	Souhaitez-vous découvrir le reste du site en français ? Les actualités, bulletins d'information, émissions de radio du Groupe Espérantiste Périgourdin ? Cliquez sur le drapeau ci-dessous...
	Aprilo 2012: printempa kursa semajno en Kastelo Grezijono

Mi salutas ĉiujn samideanojn, kiujn mi renkontis en Kastelo Grezijono.

Jen ĉi-sube kelkaj fotoj faritaj dum la printempa staĝo de aprilo 2012. Se vi bezonas kelkajn en pli granda precizeco (pli da bilderoj), bonvolu skribi al mi retmesaĝe.
Vi ankaŭ povas malkovri la ceteron de nia paĝaro (radio-elsendojn, informilojn, prezentadon de nia albumo "la sekreto de la arbaro de Lascaux"...) kaj konatigi ĝin ĉirkaŭ vi kaj en viaj grupoj (tiucele uzu unu el la ĉi-supraj flag-ligiloj).
Mi enretigis antaŭ kelkaj semajnoj la radioelsendojn, kiuj enhavas diversajn intervjuojn faritajn de mi en aŭgusto 2011 ĉe Grezijono.
Venontajn semajnojn mi iom post iom enretigos novajn elsendojn, kiuj enhavos la intervjuojn faritajn dum la printempa staĝo.
Mi ankoraŭ ne enretigis la fotojn de aŭgusto 2011, nek la filmojn kun subtitoloj, kiujn mi montris al kelkaj el vi en Grezijono. Kiam mi havos sufiĉe da tempo...
Kaj jen la adreso de Esperanta Retradio (de la aŭstra esperantisto Anton Oberndorfer, kiun oni povas gratuli pro lia grandega laboro): http://peranto.posterous.com/ . Mi uzas la sonregistrojn kaj la tekstojn por progresigi pri aŭdokompreno samtempe min kaj kelkajn el miaj gelernantoj. Aperas tage po unu sonregistro kaj ties teksto (multe pli ol ni bezonas!). La sonkvalito kaj la prononcmaniero de la diversaj partoprenantoj estas tre bonaj. Persone, mi preferas proponi al komencantoj la tekstojn legitajn de Paŭlo S. Viana, kies parolmaniero estas sufiĉe malrapida kaj tre klara. Sed ĉiuj partoprenantoj kaj la tuta paĝaro estas ege interesaj.
Kaj por Jannick (kaj eventualaj aliaj personoj, kiuj interesiĝas pri fiziko kaj kemio), jen ligilo al unu el miaj kursoj, kiun mi provis traduki: redoksaj reakcioj.

Tutkore.

Claude Labetaa (labetaa.claude@wanadoo.fr)

PS1: kiam vi trovos kelkajn erarojn en la retejo aŭ la diversaj dokumentoj, bonvolu ne heziti sciigi ilin al mi. Antaŭdankon.
PS2: se iu foto aŭ komento ĝenas vin, bonvolu sciigi tion al mi. Mi (bedaŭre) forprenos ĝin el la paĝaro.

aliaj staĝoj ĉe kastelo Grezijono...

Ĉu vi deziras malkovri la ceteron de la esperantlingva paĝaro? La aktualaĵojn, informilojn, radio-elsendojn de la Perigorda Esperantista Grupo? Musklaku sur la ĉi-suba flago...	Souhaitez-vous découvrir le reste du site en français ? Les actualités, bulletins d'information, émissions de radio du Groupe Espérantiste Périgourdin ? Cliquez sur le drapeau ci-dessous...